Kva er DOI?
DOI (digital object identifier) er ei unik nettadresse som vert tildelt digitale dokument for at dei alltid skal vere lette å finne.
I motsetning til vanlege nettadresser (URL), som kan endrast eller slettast, er DOI ei permanent adresse som alltid heng saman med dokumentet. Du finn som oftast DOI på første sida av digitale artiklar, eller på databasen si landingsside for artikkelen. Både bøker, artiklar og datasett kan ha DOI.
Eksempel på DOI-nummer:
10.1080/09596410500400165
Når du refererer til DOI skal du ha med https://doi.org/ føre DOI-nummeret.
DOI-nummeret vert vanlegvis plassert sist i referansen:
Eksempel:
Peter, F. (2006). Individualization and religious authority in Western European Islam. Islam and Christian–Muslim Relations, 17(1), 105–118. https://doi.org/10.1080/09596410500400165
Merknad: Unngå / (skråstrek) etter DOI-nummeret. Dersom du tek med det vil du ofte få «Error: DOI Not Found».
Merknad: APA 7th anbefalar at du har aktive lenker i dokumentet. Vanlegvis får du aktiv lenke ved å trykke mellomromstast etter at du har skreve inn lenka.
Legg kun inn DOI-nummeret i feltet DOI, f.eks. 10.1016/j.ccep.2018.11.002. Endnote legg automatisk til https://doi.org/ føre nummeret.
Legg kun inn DOI-nummeret i feltet DOI, f.eks. 10.1016/j.ccep.2018.11.002. Zotero legg automatisk til https://doi.org/ føre nummeret.
Sjekkliste:
Hugs å sjekke at DOI som du legg inn i ein referanse fungerer! Dersom den ikkje gjer det vil du få opp ei side med feilmeldinga «Error: DOI Not Found». Du kan då sjekke om DOI er sett opp på rett måte i referansen: Har du med https://doi.org/ føre DOI-nummeret, eller har det sneke seg med ein / etter DOI?
Dersom DOI i din referanse ser korrekt ut kan du sjekke om det er gitt opp nokon DOI i kjelda du viser til. Dersom det er tilfellet kan du kopiere denne og lime inn i referansen din, og så sjekke om den fungerer.
Dersom du ikkje får nokon DOI til å fungere bør du vurdere å heller bruke URL i referansen. Det kan nemlig hende at DOI har blitt automatisk generert, men ikkje registrert på korrekt måte. Då vil den ikkje fungere.
Test deg selv!
